Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyiinin maliyyə dəstəyi ilə “Gənclər Mərkəzi” İctimai Birliyi “Gənclik və dəyərlər” adlı layihəsinin icra edir.
Prestij.media xəbər verir ki, layihə çərçivəsində Xaçmaz rayonunda keçirilən tədbirdə Gənclər Mərkəzi İctimai Birliyin sədri, layihənin rəhbəri Kənan Qubadzadə çıxış edib. O, bildirib ki, layihənin əsas məqsədi gənclər və yeniyetmələr arasında erkən nikahların mənfi sosial, psixoloji və hüquqi nəticələri barədə maarifləndirmə aparmaq, sağlam ailə münasibətlərinin formalaşmasına və ailə institutunun möhkəmlənməsinə dəstək olmaqdır.
Layihə, xüsusilə yeniyetmələr və gənclər arasında məsuliyyətli ailə münasibətləri, təhsilin önəmi və gender bərabərliyinə əsaslanan ailə modeli barədə məlumatlılığı artırmaqla, ailə institutunun möhkəmlənməsinə töhfə verməyi hədəfləyir. Layihə çərçivəsində maarifləndirici tədbirlər təşkil olunacaq, benefisiarlara qanunvericilikdən çıxarışlar və digər materiallar paylanılacaqdır.
Tədbirdə YAP Xaçmaz rayon təşkilatının sədr müavinin Emil Tağıyev, Quba-Xaçmaz Regional Gənclər və İdman idarəsinin Xaçmaz rayonu üzrə Gənclər və İdman sektorunun baş məsləhətçisi Nizami Mustafayev, Xaçmaz Dövlət Peşə Təhsil Mərkəzinin Tələbə gənclər Təşkilatının sədri Elçin Ağasıyev və rayonun fəal gənci Məmmədəli Yusif Elçin oğlu çıxış ediblər. Tədbirdə paylanma materialları təqdim olunub.
