Ukrayna Prezidenti Volodimir Zelenski müttəfiq ölkələrin Kiyevə ümumilikdə 4 milyard dollarlıq yeni hərbi və maliyyə yardım paketi ayırdığını açıqlayıb.
Zelenski bildirib ki, yardım paketi Ukraynanın müdafiə qabiliyyətinin gücləndirilməsinə xidmət edəcək. O, həmçinin 9 ölkənin Ukraynanın prioritet ehtiyaclarının qarşılanması üçün nəzərdə tutulan mexanizmə təxminən 1 milyard dollar vəsait ayırdığını qeyd edib.
Ukrayna liderinin sözlərinə görə, Kanada və Birləşmiş Krallıq Rusiyaya qarşı yeni sanksiyalar tətbiq etməyə başlayıb, Avropa İttifaqı isə növbəti sanksiyalar paketini hazırlayır.
“Ölkəmizə müdafiəmiz üçün yeni imkanlarla qayıdırıq”, – deyə Zelenski vurğulayıb.
//prestij.media
