Avstraliyanın Qantas aviaşirkətinə məxsus təyyarədə taxtabiti problemi yaranıb. Oktyabrın 9-da Pert şəhərindən İtaliyanın paytaxtı Romaya uçan Boeing 787 Dreamliner təyyarəsində bəzi sərnişinlər həşərat dişləmələrindən şikayət ediblər.
Sərnişinlərə qaşınmanı azaltmaq üçün həkim məsləhəti ilə antihistamin dərmanları verilib. Hadisədən sonra Romadan Pertə həyata keçirilməsi planlaşdırılan təxminən 17 saatlıq geri dönüş reysi ləğv olunub və təyyarənin ətraflı təmizlənməsinə qərar verilib.
Qantas şirkəti sərnişinlərdən üzr istəyib, onların yerləşdirilməsi üçün şərait yaradıldığını və 48 saat ərzində alternativ uçuş təşkil ediləcəyini bildirib.
Prestij.media
