3×3 basketbol üzrə Dünya Qadın Seriyasının Fransanın Orléans şəhərində keçirilən mərhələsində ilk oyun gününün görüşləri baş tutub.
Azərbaycanı turnirdə təmsil edən Neftçi qrupdakı ilk qarşılaşmasında Yaponiyanın “Mitsubişi Elektrik” klubuna 11:16 hesabı ilə məğlub olub.
Komandamız ikinci görüşdə isə Uqanda millisinin müqavimətini 18:14 hesabı ilə qıraraq vacib qələbə qazanıb.
Qeyd edək ki, qrup mərhələsinin yekununda ilk iki yeri tutan komandalar turnirin 1/4 final mərhələsinə vəsiqə əldə edəcəklər. “Neftçi” növbəti oyunların nəticəsindən asılı olaraq pley-off uğrunda mübarizəsini davam etdirəcək.
