Böyük Britaniyanın UK Antarctic Heritage Trust təşkilatı Antarktidanın Port Lockroy məntəqəsində 5-6 ay işləyəcək əməkdaşlar axtarır. İşçilərə aylıq təxminən 1970-2900 dollar maaş veriləcək. Yaşayış və yemək xərcləri də təşkilat tərəfindən qarşılanacaq.
Əməkdaşların əsas vəzifələri pinqvinlərin sayını müəyyənləşdirmək, onların çoxalma dövrünü izləmək və tarixi poçt məntəqəsini idarə etməkdir. 1944-cü ildə Britaniya hərbi bazası kimi yaradılan Port Lockroy hazırda muzey, suvenir mağazası və turistlərə xidmət göstərən “Pinqvin poçt şöbəsi” kimi fəaliyyət göstərir.
Lakin iş şəraiti kifayət qədər çətindir. Adada su xətti yoxdur və su xüsusi qablarda daşınır. Duş qəbul etmək imkanı həftədə bir dəfə ilə məhdudlaşır. Namizədlər ən azı 18 yaşında olmalı və müsahibə mərhələsi başlayanda Böyük Britaniyada yaşamalıdırlar.
Prestij.media
