ABŞ-ın Men ştatında yaşayan 83 yaşlı Harold Arndt evinin həyətində təxminən 80 ton ağırlığında yelkənli gəmi inşa edib. Lakin illərlə davam edən zəhmətinə baxmayaraq gəmini hələ də dənizə çıxara bilməyib.
Freeport qəsəbəsində yaşayan Arndt “Island Rover” adını verdiyi gəminin tikintisində təkrar emal olunmuş poladdan istifadə edib. Gəmi hazır olsa da onun böyük ölçüləri və çəkisi həyətdən daşınmasını çətinləşdirir. Bunun üçün xüsusi texnika və uyğun marşrut tələb olunur.
2026-cı ilin sentyabrında məsələ yerli idarəetmə orqanlarının gündəliyinə yenidən daxil edilib. Gəminin ərazidən çıxarılması və dənizə çatdırılması üçün lazımi razılıqların alınması gözlənilir.
Prestij.media
