ABŞ-ın Massaçusets ştatının Rokport şəhərində 1922-ci ildə mühəndis Alice F. Stenman tərəfindən köhnə qəzetlərdən qeyri-adi yay evi inşa edilib. Təxminən 100 min qəzetdən istifadə olunan ev bir əsrdən çox vaxt keçməsinə baxmayaraq bu gün də qorunub saxlanılır.
Stenman əvvəlcə kağızdan izolyasiya materialı kimi istifadə etməyi planlaşdırıb. Qonşularından topladığı qəzetləri un, su və alma qabıqlarından hazırladığı yapışqanla qat-qat birləşdirərək divarlar yaradıb. Bəzi hissələrdə kağızın 215 qatına qədər istifadə olunub. Quruduqdan sonra kağızın taxta qədər möhkəm olduğunu görən mühəndis səthi qoruyucu lakla örtüb.
Evin maraqlı tərəfi yalnız divarları deyil. Stenman mebel və digər əşyaları da sıxılmış qəzet kağızından hazırlayıb. Masalar, stullar, divar saatı və hətta piano belə kağızdan hazırlanıb. Bu əşyaların üzərində dövrün mühüm hadisələri ilə bağlı köhnə qəzet yazıları da bu günə qədər qalır.
1920-ci illərin sonlarından diqqət çəkən ev sonradan qorunaraq muzeyə çevrilib. Kağız Ev bu gün də Rokportda ziyarətçiləri qəbul edir və bir əsrlik tarixini qoruyur.
Prestij.media
