Türkiyənin Antalya şəhərində ötən il dalış zamanı 59 yaşlı Fahriyə Başlının həyatını itirməsi ilə bağlı məhkəməsi davam edən və Türkiyə Sualtı İdman Növləri Federasiyası tərəfindən fəaliyyət icazəsi ləğv edilən Sunay Y.-nin yenidən dalış təşkil etdiyi iddia olunur.
Məlumata görə, mərhumun qızı Elçin Pehlivan bu barədə CİMER-ə şikayət edərək, Sunay Y.-nin səlahiyyəti olmadığı halda turistlərə təlimat verdiyini və dalış təşkilatında fəal iştirak etdiyini əks etdirən görüntüləri sübut kimi təqdim edib.
İttihama əsasən, Sunay Y. sosial şəbəkələrdə tanınmış şəxslərlə reklam əməkdaşlığı edərək müştəri cəlb etməyə davam edib və qanunvericiliyə zidd şəkildə dalış fəaliyyətini sürdürüb.
Qeyd edək ki, Fahriyə Başlı 2025-ci ilin avqustunda tanıtım məqsədli dalış zamanı nəzarətsiz qaldıqdan sonra suda boğularaq həyatını itirmişdi. Hadisə ilə bağlı dalış təlimatçısı Mehmet C. və tekne sahibi Sunay Y. barəsində “ehtiyatsızlıqdan ölümə səbəb olma” maddəsi ilə cinayət işi açılıb.
Federasiyanın İntizam Komitəsi 2026-cı ilin fevralında Sunay Y. və digər məsul şəxslərin fəaliyyət icazələrini ləğv edib, həmçinin onlar barəsində 720 min lirə məbləğində cərimə qərarı çıxarıb.
Prestij.media
