ABŞ-ın Nevada ştatında yerləşən və “51-ci Zona” kimi tanınan məxfi hərbi obyektin yaxınlığında baş verən Quail Springs yanğını ətrafında müxtəlif iddialar yayılıb.
Rəsmi məlumata görə, yanğına ildırım düşməsi səbəb olub. Hazırda alovun təxminən 12 faizi nəzarət altına alınıb və yaşayış məntəqələri üçün birbaşa təhlükə olmadığı bildirilib.
Sosial şəbəkələrdə isə yanğının gizli silah sınağı və ya sınaq uçuşu zamanı qəzaya uğrayan naməlum hava aparatı ilə əlaqəli olduğu iddia edilsə də, bu versiyaları təsdiqləyən heç bir rəsmi sübut təqdim olunmayıb. Yanğının söndürülməsi istiqamətində işlər davam edir.
Prestij.media
