Nigeriyanın Ciqava (Jigawa) ştatında sərnişin daşıyan qayığın aşması nəticəsində 40-dan çox şəxs itkin düşüb.
Prestij.media xəbər verir ki, hadisə Yan Dutse bölgəsində baş verib. Sərnişinlərlə yanaşı normadan artıq yük daşıyan qayıq çayda hərəkətdə olarkən çevrilib.
Qəza nəticəsində 1 nəfər həyatını itirib, 40-dan çox şəxs isə itkin düşüb.
Ciqava Polis İdarəsinin sözçüsü Şiisu Lawan Adam bildirib ki, itkin düşənlərin əksəriyyəti qadınlardır. Hazırda ərazidə axtarış-xilasetmə əməliyyatları davam etdirilir.
Qeyd edək ki, Nigeriya hökuməti ölkədə qayıq qəzalarının sayını azaltmaq məqsədilə lisenziyasız qayıqların fəaliyyətini qadağan edib.
