Türkiyənin Antalya Hava Limanında sərnişin təyyarəsinin parkinq zamanı radar dirəyinə çırpılması nəticəsində yüzlərlə sərnişin təxliyə edilib.
Məlumata görə, “Boeing 777” tipli təyyarə dayanacaq sahəsinə hərəkət edərkən yanlış marşruta daxil olub və radar dirəyinə dəyib. Hadisə nəticəsində təyyarədə olan 267 sərnişin təhlükəsizlik məqsədilə təxliyə olunub.
Qəza zamanı bir nəfərin yüngül xəsarət aldığı, həm təyyarəyə, həm də radar avadanlığına maddi ziyan dəydiyi bildirilir.
Hadisə ilə bağlı texniki araşdırmalara başlanıldığı açıqlanıb.
//Prestij.media
