Prestij.media xəbər verir ki, Azərbaycan Ağırlıqqaldırma Federasiyası (AAF) tərəfindən federasiyaya müraciət edən idman məktəbləri və klubların avadanlıqla təminatı davam etdirilir.
Bölgü əsasında həyata keçirilən layihə çərçivəsində növbəti ştanq dəsti avadanlıqları “Təhsil” Respublika İdman Mərkəzinin Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbinə və “Təhsil” Respublika İdman Mərkəzinin Bakıda yerləşən 5 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinə təhvil verilib.
AAF tərəfindən həyata keçirilən bu təşəbbüs bölgələrdə və paytaxtda ağırlıqqaldırma idman növünün inkişafına, gənc idmançıların daha keyfiyyətli şəraitdə məşq etməsinə və idman infrastrukturunun gücləndirilməsinə xidmət edir.
