İsrailin Baş naziri Benyamin Netanyahu ABŞ Prezidenti Donald Trampa rəsmi Təl-Əvivin hərbi qüvvələrini Livandan geri çəkməyəcəyini çatdırıb. Baş nazir Vaşinqtonla Tehran arasında əldə olunacaq hər hansı razılaşmadakı “Livan şərti”nə əməl etmək öhdəliyinin olmadığını vurğulayıb.
Bu barədə “Ynet” portalı İsraildəki etibarlı mənbələrinə istinadən məlumat yayıb.
Məlumata görə, Netanyahu İsrail Ordusunun Livandakı mövcud mövqelərini qoruyub saxlayacağını qətiyyətlə diqqətə çatdırıb. O, həmçinin “Hizbullah”dan gələn təhdidlərə qarşı mübarizənin dayandırılmayacağını, hər bir hücuma dərhal cavab veriləcəyini və terror infrastrukturunun ləğvi prosesinin davam etdiriləcəyini bəyan edib.
