WhatsApp oktyabrın 1-dən Qazaxıstanda biznes hesabları üçün yeni qiymət modelinə keçəcək. Dəyişiklik əsasən avtomatlaşdırılmış mesajlar, toplu bildirişlər, çatbotlar və CRM sistemləri ilə işləyən orta və böyük şirkətlərə aid olacaq. Adi istifadəçilər və mesajları əl ilə göndərən kiçik bizneslər bu ödənişdən təsirlənməyəcək.
Yeni qaydaya əsasən hər biznes nömrəsinə ayda 1000 pulsuz mesaj veriləcək. Bu limit keçildikdən sonra hər əlavə mesaj üçün təxminən 0,018 dollar ödəniləcək. Məsələn, ayda 10 min mesaj göndərən şirkətin xərci təxminən 162 dollar olacaq.
Türkiyədə isə WhatsApp Business Platformasından istifadə edən şirkətlər artıq mesaj kateqoriyasına uyğun ödəniş edirlər. Bununla belə, adi WhatsApp Business tətbiqindən əl ilə istifadə edən kiçik sahibkarlar və fərdi istifadəçilər üçün mesaj başına ayrıca ödəniş yoxdur.
Prestij.media
