21 İyun – Dünya ALS Məlumatlandırma Günü münasibətilə danışan nevroloq Doç. Dr. Buse Çağla Arı ALS xəstəliyinin erkən əlamətlərinin vaxtında aşkarlanmasının böyük əhəmiyyət daşıdığını bildirib.
Mütəxəssisin sözlərinə görə, ALS onurğa beynindəki motor sinir hüceyrələrinin zədələnməsi nəticəsində yaranan və tədricən irəliləyən xəstəlikdir. Xəstəlik əsasən qol və ayaqlarda gücsüzlük, hərəkət məhdudiyyəti, udma çətinliyi, əzələ seyrirmələri və halsızlıqla özünü göstərir.
Doç. Dr. Arı qeyd edib ki, ALS daha çox 65 yaşdan yuxarı şəxslərdə müşahidə olunur. Hazırda xəstəliyin tam müalicəsi olmasa da, erkən diaqnoz və dəstəkləyici müalicələr xəstələrin həyat keyfiyyətinin qorunmasına kömək edir.
Mütəxəssis vurğulayıb ki, əzələ zəifliyi, udma problemi və hərəkət itkisi kimi əlamətlər hiss edən şəxslər gecikmədən nevroloqa müraciət etməlidirlər.
Prestij.media
