Fransada havanın temperaturunun 40 dərəcəyə çatması səbəbindən onlarla bölgədə yüksək hazırlıq rejimi elan edilib. Paytaxt Parisdə sakinləri istidən qorumaq üçün bir sıra tədbirlər görülür.
Şəhər rəhbərliyi Canal Saint-Martin kanalının müəyyən hissəsini üzgüçülər üçün açıb, park və bağların isə sutka ərzində fəaliyyət göstərəcəyini açıqlayıb.
Bununla yanaşı, yerli hakimiyyət orqanları isti hava səbəbindən küçələrdə üstsüz gəzən turistlərin cərimələnəcəyini bildirib. Rəsmilər ictimai yerlərdə davranış qaydalarına əməl olunmasının vacibliyini vurğulayıblar.
Meteoroloqlar ölkədə anomal istilərin gələn həftə də davam edəcəyini proqnozlaşdırırlar.
Prestij.media
