20 İyun – Ümumdünya Qaçqınlar Günü münasibətilə Azərbaycan Respublikasının İnsan Hüquqları üzrə Müvəkkili (Ombudsman) Aparatı və Azərbaycan Respublikası Dövlət Miqrasiya Xidmətinin birgə təşkilatçılığı ilə qaçqın ailələrdən olan uşaqlar üçün Bakı Zooloji Parkına ekskursiya təşkil edilib.
Ekskursiya çərçivəsində uşaqlar və onların valideynləri zooloji parkda yaradılmış şəraitlə yaxından tanış olub, təbiətin mühafizəsi, biomüxtəlifliyin əhəmiyyəti və heyvanlar aləmi barədə məlumatlandırılıblar.
Tədbirin davamında iştirakçılar üçün nahar süfrəsi təşkil olunub, uşaqlar üçün müxtəlif əyləncəli proqramlar təqdim edilib. Sonda balaca iştirakçılara hədiyyələr verilib.
Qeyd edək ki, tədbirin əsas məqsədi qaçqın ailələrdən olan uşaqların asudə vaxtının səmərəli təşkili, onların sosial inteqrasiyasına dəstək göstərilməsi və Ümumdünya Qaçqınlar Günü ilə bağlı maarifləndirmə işinin aparılması olub.
Prestij.media
